6:19 AM
kung hindi kita mahal
bakit nga ba ganito?
kung hindi ito pag-ibig
bakit tila magulo?
kung ang tunay na ligaya
sa pag-ibig makikita
bakit bawat araw ay mapait?
bakit tuwing ngingiti ay masakit?
kung ang puso nga ay di nakadarama
bakit bawat pagpintig ay siya ring pagluha?
kung ang utak kayang diktahan ang puso
bakit ang pag-ibig ko alay pa din sayo?
bakit nga ba sa tamang oras
ngunit sa maling pagkakataon?
bakit nga ba sa tamang tao
ngunit sa maling panahon?
kung hindi kita iniibig
bakit kay sakit ng nadarama?
kung hindi kita mahal
bakit ako nasasaktan?
kung kaya kitang kalimutan
paano nga ba gagawin?
kung kaya kang talikuran
tanggap na rin ba ang kamatayan?
(Contributor/Writer: Balong Marquez @https://www.facebook.com/mfegi)
0 (mga) komento:
Mag-post ng isang Komento